I SERVIJES LINGUISTICS E CULTURÈI DEL COMUN GENERAL DE FASCIA PORTA DANT L NEF CODEJEL “ENTENER E SE FÈR ENTENER”.
Te la colana Entener e se fèr entener l é stat publicà l “Codejel de bona creanza per respetèr l ambient”, scrit da Angela Pederiva co la grafica de Giuditta Soraperra, n picol manual che rejona de sparagnèr èga e energies, e de smendrèr la produzion de scoadies. Tel codejel se pel troèr idees, consees, curiositèdes e dotrei regoles per redujer l dan che vigniun ge fèsc al ambient te la vita da duc i dis.
Ence chest terz codejel, endrezà dai Servijes linguistics e culturèi del Comun General de Fascia, l é scrit te 4 lengac (ladin, talian, ingleis e todesch), e l vegn do da “Codejel de bona creanza per jir sa mont” e “L bosch e i cinch sensc”, publicazions che troède a la leta debant.
Per prejentèr chest nef lurier vegn endrezà fora per l meis de otober na lingia de scomenzadives che se ouc a duta la comunaza: dai bec, ai joegn a la jent grana.
En sabeda ai 7 de otober del 2023 da les 10 da doman, te Sala Grana de Comun General de Fascia, “Sgolèr co la fantasia… per no petèr demez nia!”, n laboratorie per bec anter i 6 e i 11 egn co la sociazion Ecosisters da Fiem.
En vender ai 13 de otober del 2023 da mesa les 6 domesdì, te sala mostres del liceo artistich G. Soraperra, prejentazion del codejel con Stefen Dell’Antonio Monech e i studenc del liceo artistich.
Semper en vender ai 13 de otober del 2023, ma da mesa les 9 da sera, te sala S. Chiocchetti “Maza” de la scoles de Moena, “Moda più sostegnibola” sera de sensibilisazion con Il Markettino e Dorà second hand.
JIÈR PER EMPARÈR!
Desćèria chiò de sot l jech per emparèr co fèr la regoeta desferenzièda!
Jech Chèrta didatichesPER DESCORIR ZECHE DE PIÙ
Domanes & responetes su la moda sostegnibola
CHESTIONÈR DE CONSAPUTA (desćèria la imagina)
LA VITA DE N PÉ DE JEANS (desćèria la imagina)
