L é ruà a piz l nef projet de la “Chèrta fascènes”, la chèrtes da jech caraterisèdes coi simboi del Carnascèr fascian: cordeles, facera, piroi e bronsins tol l post di colores tradizionèi, e Laché, Bufon e Marascons i é l Re, l Ciaval e l Zot.
Nosc ofize l é stolz de portèr dant chest nef projet, metù a jir aldò de na idea del Conseier de Procura a la Cultura, Amedeo Valentini, coi dessegnes del artist fascian Ismaele Soraperra, e la colaborazion de la Familia Coprativa de Fascia- Fassa Coop, dell’APT de Fascia e del Consorzie eletrich de Poza.
L projet l se à slarià fora a duta la val, e l é stat tout su con gaissa dai boteghieres de Fascia.
Podede comprèr la “Chèrta fascènes” te chesta boteighes:
- Fassa Coop, aló dai jeghes
- Coprativa de Cianacei
- Pordoi souvenirs, sun Pas Pordoi
- Souvenirs, giornali e tabacchi Anesi, a Cianacei
- Giornalgaio de Paolo Bernard, a Cianacei
- Coprativa de Ciampedel
- Tabachin de Federica Deflorian, a Pera
- Picol Bazar, a Poza
- Tabachin de Sonia Zorzi, a Poza
- Tabachin de Fabrizio Ghetta, a Vich
- Museo Ladin de Fascia
- Coprativa de Moena
- duc i ofizies de val de l’Azienda de Promozion per l Turism de Fascia
Te la scatola, apede a la 40 chèrtes l é ite ence na curta descrizion del Carnascèr fascian e la istruzions de 6 jeghes tradizionèi.
La descrizions tel depliant les é scrites te cater lengac (ladin, talian, todesch e ingleis), e chest ge dèsc valuta al projet ence dal pont de veduda turistich e comerzièl.
