L amor per l ambient e per la cultura l é amor sćiantif per la vita…
A cajon de la pandemia la pruma pèrt de la edizion 2021 de l’Aisciuda Ladina la è stata endrezèda on line, col meter ite de neves contegnui tel sit internet enjignà del 2020.
Ambient, natura e teritorie: chest l argoment portà dant per l’Aisciuda Ladina de chest an. De fat l é dassen emportant fèr na reflescion en cont de la doura e del desfrutament del teritorie e di mudamenc climatics che à fat vegnir ca, ti ultimes egn, sacotenc dejastres naturèi ence te noscia valèdes (recordon la egajons e la tampestèda VAIA).
Apede i saluc istituzionèi di Enc e de la Sociazions che ogne an endreza l’Aisciuda e l salut de la mascotte de chest event, Bertol, l é stat intervistà persones che laora a contat co la natura o che se cruzia, te desvaliva vides, de ambient e teritorie, per tor su si pensieres da meter fora con de curc video. Via per l uton l é stat fat de autra intervistes tolan ite personalitèdes de gran nonzech a livel interladin.
L’Union di Ladins de Fascia l’à endrezà n laboratorie che à inom “Saores de noscia tera”: n percors de enrescida curious e inovatif che rejona de alimentazion, de natura e de nosc teritorie. L é stat endrezà raides fora per l teritorie e l é stat tout ite firmes locales e joegn esperc.
L Istitut Cultural Ladin l é jit inant co la scomenzadiva AlberEL che, en colaborazion co la firma ELEL, tras la venuda de picoi èlbres de creida depenta a man, l binarà su scioldi per empiantèr ite da nef l bosch de la Val de Sèn Nicolò dessatà da la tampestèda Vaia del 2018.
L Comun General l à publicà i prumes doi Codejie de la neva colèna “Entener e se fèr entener” dedichè a la mont: n “Codejel de la regoles de bona creanza per jir sa mont” e n “Glossèr de la paroles del bosch”, olache vegn metù dant la paroles che vèrda i lurieres da boschier, i èrc da zacan e daldidanché, la piantes, i fiores e i fonches, e ence i personajes mitologics de la veia conties. Na pèrt de chest materièl la é stata traslatèda per ingleis e per todesch da la Scola Ladina de Fascia.
L é stat dat fora te la Scoles de Fascia i codejie “Mia reijes”, olache scolees e studenc i é stac envié a scriver ite pensieres, poesies, idees, o a ge encolèr su fotografies, foes, fiores e dut chel che pel ge saer enteressant e coleà al ambient;
D’uton chesta edizion dassen particolèra de l’Aisciuda Ladina la se à serà su col spetacol “l èlber conta – le lëgn cunta”, na raprejentazion teatrala interladina – fascèna – badiota che à sapù, con paroles scempies ma da sentiment, tocèr i cheres de la jent e ge fèr entener l valor de chel che aon d’intorn. N ben da stravardèr che l é n doer envers noscia tera e envers chi che vegn do da nos.
Scomenzadives e video
- Natura, ambient e teritorie
Dut chest peton, duta chesta strèdes olache passa n muion de auti e che fèsc ruèr i ghesć te noscia… Read more: Natura, ambient e teritorie - I articoi de la Usc di Ladin
Lejon ensema i articoi publiché su la “Usc di Ladins” che ne conta che che l é stat fat endèna… Read more: I articoi de la Usc di Ladin - L Èlber conta
“L èlber conta / le lëgn cunta” … che sozedel pa canche se scontra n èlber fascian e n èlber… Read more: L Èlber conta - Te la scoles…
Vedon che che ge à scrit i bec de la scoles a Bertol en ocajion de l’Aisciuda Ladina e chel… Read more: Te la scoles… - L codejel de bona creanza per jir sa mont e glossèr del bosch
Te chest prum codejel, che fèsc pèrt de la colèna “Entener e se fèr entener” troon vèlch picola scempia regola… Read more: L codejel de bona creanza per jir sa mont e glossèr del bosch - I servijes de Pedies e la intervista al program radio “El Codejel”Te chesta sezion ge aon dat lèrga ai servijes del rotocalch de informazion Pedies che i revèrda l’Aisciuda Ladina e… Read more: I servijes de Pedies e la intervista al program radio “El Codejel”
- La bandiera ladina fèsc bela parbuda sun nesc barcons
Ajache l’Aisciuda Ladina tol semper ite i 5 de mé, festa de la bandiera dai trei colores brun, bianch e… Read more: La bandiera ladina fèsc bela parbuda sun nesc barcons - Anter natura e alimentazion nasc “Saores de noscia Tera”
L’Union di Ladins de Fascia sostegn la difujion del lengaz e de la cultura ladina e da egn la fèsc… Read more: Anter natura e alimentazion nasc “Saores de noscia Tera” - “ALBEREL”
Chesta scomenzadiva, metuda a jir da la sozietà ELEL, touta su con gaissa dal Istitut Cultural Ladin e che se… Read more: “ALBEREL” - L salut de Bertol ai scolees
Cari bec e bezesEnce chest an, per via de chesta petorcena del Covid, no posse vegnir a ve troèr te… Read more: L salut de Bertol ai scolees - Video promozionèi 2021Ence chest an a cajon de la pandemia no aon podù se veder de persona ma aon volù enjignèr chisc… Read more: Video promozionèi 2021