La pruma edizion de l’Aisciuda Ladina la se dejouc mascimamaneter te la Scola ladina de Fascia. Ge vegn dat gran valor al simbol de la bandiera ladina dai trei colores – brun, bianch e vert – che la é stata tachèda fora per la pruma outa ai 5 de mé del 1920. L argoment zentrèl de l’Aisciuda l é l lengaz, l lengaz de la mère. Zacan l ladin l vegnia rejonà te la cèses e te duta noscia comunità, ma l era conscidrà desche n idiom che à pech valor e che nesc giaves pissèa che l abie n prestije più bas che chel di etres lengac de maoranza.
I ladins de Fascia anché i à l met giuridich e concret de durèr sie lengaz te ogne situazion: l’é na ocajion, n derit, ma ence n doer mantegnir chesta arpejon tant rica e de gran emportanza.
Enjontes
Download “File di Placat”
